“Их говийн тэмээ-2025” тэмээчдийн баяр, улсын зөвлөгөөнийг 2025 оны 02 дугаар сарын 07, 08-ны өдрүүдэд Дорноговь аймгийн Сайншандад зохион байгуулагдаж Сайхандулаан сумын тэмээчид амжилттай идэвхтэй оролцлоо
Монголын нүүдлийн соёлт бэлчээрийн мал аж ахуйн нэгэн төрөл болох тэмээн сүргийн тоо толгойг өсгөх, үүлдэр, ашиг шимийн чанарыг бататган сайжруулах, соёл, аялал жуулчлалыг тэмээн спорттой уялдуулан хөгжүүлж, иргэд, олон нийтэд сурталчлах зорилгоор “Их говийн тэмээ-2025” тэмээчдийн баяр, улсын зөвлөгөөнийг 2025 оны 02 дугаар сарын 07, 08-ны өдрүүдэд Дорноговь аймгийн Сайншанд хотод зохион байгуулагдлаа.
Ат, тайлаг, торомны уралдаан, буухиа уралдаан, тэмээний сүү, цагаан идээ, ноос, арьсаар хийсэн бүтээгдэхүүний үзэсгэлэн худалдаа, өвлөн уламжлагчдын тусгай үзэсгэлэн, “Шилмэл буур”, “Шилмэл ингэ” шалгаруулах зэрэг олон төрлийн тэмцээн уралдаанаас бүрдэх тэмээчдийн баяр, улсын зөвлөгөөнд Монгол Улсын хэмжээнд тэмээчдийг харьяалал харгалзахгүй нээлттэй оролцуулах аж. Мөн “Тэмээн поло”, ойрын зайн уралдаан, тэмээний сэдэвт дуу, шүлэг, Соёлын биет бус өвийн ай савын тайзны үзүүлбэрийн тэмцээн, өвлөн уламжлагчдын тусгай үзэсгэлэнг зохион байгуулж, тэмцээний нийлбэр дүнгээр “Шилдэг сум” шалгаруулжээ.
Их говийн тэмээ -2025 тэмээчдийн баяраар Сайхандулаан сумын 1 дүгээр багийн тэмээчин иргэдийн Төлөөлөгчдийн Хурлын төлөөлөгч Хүрэлбаатарын Мөнхбатын тором 3 дугаарт хуралдаж Ардын авьяастны тэмцээнд сумын ардын авьяастнууд Тэргүүн байр эзэллээ.
